辦館 (雅蘭中心) (已結業)

之前都有留意開辦館，同一間hair salon聯營，食嘢又剪髮咁，幾有卓頭。最近呢間嘢開到黎旺角，咁方便就幫襯吓佢啦。今晚有三款多士都sold out，其中有我想食的，可惜。一個人，食一件多士，一件蛋糕，一杯飲品已好滿足了。火腿溫泉蛋芝士多士即叫即製，芝士層有一定厚度，但芝味不算很濃，比較輕盈的感覺，火腿件數不多，我覺得剛好，反正太多我也不會食，溫泉蛋做得好，搗破後沒變成全液體，有點半固態流心，即使掉落紙上也可取回放上多士上吃，多士夠鬆軟，整體味道不錯。柚子芝士蛋糕芝士蛋糕軟滑密度高，啖啖滋味，芝士味較出，加了柚子有清新感，細細一件，適合一人獨取。紅豆鮮奶抹茶抹茶純正甘香，加上奶就顯得幼滑，不太甜，喝到底有紅豆蓉，較甜。雖然這餐沒食飯，但我知卡路里不低，沒法子，美味的食物就是如此，還好一會去做運動，可以消耗掉，然後就有空間再吃了。