意粉屋 (已結業)

星期六放工帮老板去沙田买嘢，买完嘢已经系下午茶时间，见好耐都冇食过意粉屋，又见到佢下午茶餐有得配酥皮海鲜汤，所以比佢吸引咗入去，实行慰劳下自己，安排一个人的豪食浪漫。由于下午茶时间，所以见到啲侍应都好忙，我隔离枱嘅阿姨佢话佢叫咗个沙律餐，等咗40分钟都仲未到好彩我嘅下午茶餐唔使咁耐。以下系我点嘅野食：鲜忌廉芝士焗菠菜香煎鱼柳扁意大利面 - 份量唔少，忌廉芝士香滑，鱼柳好食，意粉软硬适中。酥皮海鲜汤 - 海鲜汤味道偏忌廉汤，有小小蚬肉，酥皮焗得刚好时间。叹埋杯热即磨咖啡，划上完美的句号。埋单$96.8，食到饱饱。