影片
更多
2024-09-22
222 浏览
《川浓 - 沙田》好日唔入科学园，一去科学园就系要去做嘢😂辛劳咗一个上午，放饭嘅时候特别肚饿🤭一个人就喺科学园度揾咗一间食川菜同米线嘅餐厅食个自私lunch同埋休息一下🤭唔知点解当日好想食啲辣辣地又酸酸哋嘅嘢，见餐厅有午市套餐，咁我就叫咗个酸菜大肠香锅再加配生菜，另外再叫咗个尖椒皮蛋小食酸菜大肠香锅本身就跟配白饭，呢个香锅入面有大肠、酸菜、莲藕、薯仔同埋香菇等食材，自问自己都食得辣，我就觉得佢嘅辣度都算几足，大肠嘅份量好多，入口弹牙易咬，个香锅嘅酱料挂满晒喺食材上面，薯仔同埋莲藕食落爽脆，加埋酸菜酸酸甜甜嘅感觉味道丰富，我另外加咗钱要一碟生菜，除咗可以解辣之余，用嚟夹住大肠食就冇咁油腻啦而尖椒皮蛋都算几大碟，$28嚟讲算几抵食，建议两个人share会好啲，如果唔系因为口痕嘅关系我都唔敢自己一个人食晒成份皮蛋😂最后就梗系食唔晒啦，不过皮蛋嘅味道其实几香浓，质感呈流心嘅状态，融合埋喺啲红油后入口惹味，喜欢食皮蛋的话可以试吓
好日唔入科学园，一去科学园就系要去做嘢😂辛劳咗一个上午，放饭嘅时候特别肚饿🤭一个人就喺科学园度揾咗一间食川菜同米线嘅餐厅食个自私lunch同埋休息一下🤭唔知点解当日好想食啲辣辣地又酸酸哋嘅嘢，见餐厅有午市套餐，咁我就叫咗个酸菜大肠香锅再加配生菜，另外再叫咗个尖椒皮蛋小食
酸菜大肠香锅本身就跟配白饭，呢个香锅入面有大肠、酸菜、莲藕、薯仔同埋香菇等食材，自问自己都食得辣，我就觉得佢嘅辣度都算几足，大肠嘅份量好多，入口弹牙易咬，个香锅嘅酱料挂满晒喺食材上面，薯仔同埋莲藕食落爽脆，加埋酸菜酸酸甜甜嘅感觉味道丰富，我另外加咗钱要一碟生菜，除咗可以解辣之余，用嚟夹住大肠食就冇咁油腻啦
而尖椒皮蛋都算几大碟，$28嚟讲算几抵食，建议两个人share会好啲，如果唔系因为口痕嘅关系我都唔敢自己一个人食晒成份皮蛋😂最后就梗系食唔晒啦，不过皮蛋嘅味道其实几香浓，质感呈流心嘅状态，融合埋喺啲红油后入口惹味，喜欢食皮蛋的话可以试吓
张贴
