影片
更多
2023-06-11
765 浏览
今晚心血来潮，突然间好想打边炉，即刻就用app去攞飞！星期六嘅夜晚都几多人等位，我都等咗大概半个钟先有得食～我拣咗$198一位嘅爱尔兰牛胸腹餐，原来星期六日系要加多$10嘅。入座嘅时候拣汤底，原来一个人都可以食鸳鸯火锅我今次就拣咗沙嗲汤底，同埋蕃茄汤底坐咗埋位之后等咗好耐，先至有人攞个煲嚟😂我就趁呢段时间去咗夹𩠌同埋攞嘢饮先一个人打边炉其实都几正㗎，可以慢慢食，静静哋食。唯一麻烦啲就系会有啲人行过望住啰🤣始终都唔算好多人会一个人去食任食火锅买单连埋+1大概$220 ，都OK啦，一个人就食唔到好多嘢，不过都食咗成5碟肉番茄汤底酸酸甜甜非常开胃！本身我自己食火锅好钟意沙爹汤底，但呢度嘅沙爹汤底比较油腻，不过沙爹味道都浓郁！呢两个汤底配搭我觉得几好。爱尔兰牛胸腹肉切得好薄，我自己就好钟意！因为薄d 入口即溶~ 今次d猪就韧咗少少，所以无追加，净系食咗一开始上嘅。其他配料方面mou mou club嘅选择一向都唔算多，日式火锅唔似港式咁多“虾滑”、”墨鱼滑"，所以我主要都系食咗d娃娃菜、粉丝、豆芽、豆腐。moumou club嘅丸类我一向都觉得选择不多而味道都一般，睇个样都觉得唔新鲜，成旧雪都
我拣咗$198一位嘅爱尔兰牛胸腹餐，原来星期六日系要加多$10嘅。入座嘅时候拣汤底，原来一个人都可以食鸳鸯火锅
我今次就拣咗沙嗲汤底，同埋蕃茄汤底
坐咗埋位之后等咗好耐，先至有人攞个煲嚟😂我就趁呢段时间去咗夹𩠌同埋攞嘢饮先
一个人打边炉其实都几正㗎，可以慢慢食，静静哋食。唯一麻烦啲就系会有啲人行过望住啰🤣始终都唔算好多人会一个人去食任食火锅
买单连埋+1大概$220 ，都OK啦，一个人就食唔到好多嘢，不过都食咗成5碟肉
番茄汤底酸酸甜甜非常开胃！本身我自己食火锅好钟意沙爹汤底，但呢度嘅沙爹汤底比较油腻，不过沙爹味道都浓郁！呢两个汤底配搭我觉得几好。
爱尔兰牛胸腹肉切得好薄，我自己就好钟意！因为薄d 入口即溶~ 今次d猪就韧咗少少，所以无追加，净系食咗一开始上嘅。
其他配料方面mou mou club嘅选择一向都唔算多，日式火锅唔似港式咁多“虾滑”、”墨鱼滑"，所以我主要都系食咗d娃娃菜、粉丝、豆芽、豆腐。moumou club嘅丸类我一向都觉得选择不多而味道都一般，睇个样都觉得唔新鲜，成旧雪都无溶，所以夹都无夹。
张贴
