影片
更多
2011-09-23
44 浏览
2011年嘅长龙店之一，岂能不试呢今晚一个人，特意走去碰碰运气。八点半，眼见门口，仍然有不少客人等位走到柜面攞张”飞仔”，非常好彩地，只需要等四张一人枱。但系其他客人 (多数系两人)，就要等多几十张枱，一个人经常都可以快d，哈哈等咗约15分钟，就轮到我啦未入去之前，四周打量，发现系右手边，系一张bar枱，摆放咗几张高bar櫈，好奇地问吓，点解咁多人等位，都唔招呼客人呢？原来佢哋话𠮶边系bar area，只可以饮嘢或小食，唔可以食面，所以客人继续等，座位就继续空，日本人果然系有佢哋嘅执著同坚持系左手边嘅墙身，系一幅碗墙，上面挂满唔同颜色同图案嘅碗，当然，主打嘅，都系佢哋嘅招牌颜色，白色与红色，系右上角仲有几只黑色，非常抢眼今晚被安排坐系厨房前面嘅bar枱，系最正嘅位置，一来可以睇到师傅嘅功夫，二来又可以第一时间食，正其实，以拉面馆来说，一风堂的确阔落，虽然坐系长长嘅bar枱上，但系一d都唔迫，非常松动，绝对冇因为人多而加位，又系日本人另一个执著同坚持，值得学习一坐低，又系白色与红色，一个红色嘅匙羹扥，上面放著一只白色嘅匙羹，再加上一本红色嘅餐牌同一张白色嘅纸巾，非常抢眼、触目，亦都非常贴
今晚一个人，特意走去碰碰运气。八点半，眼见门口，仍然有不少客人等位走到柜面攞张”飞仔”，非常好彩地，只需要等四张一人枱。但系其他客人 (多数系两人)，就要等多几十张枱，一个人经常都可以快d，哈哈
等咗约15分钟，就轮到我啦
未入去之前，四周打量，发现系右手边，系一张bar枱，摆放咗几张高bar櫈，好奇地问吓，点解咁多人等位，都唔招呼客人呢？原来佢哋话𠮶边系bar area，只可以饮嘢或小食，唔可以食面，所以客人继续等，座位就继续空，日本人果然系有佢哋嘅执著同坚持系左手边嘅墙身，系一幅碗墙，上面挂满唔同颜色同图案嘅碗，当然，主打嘅，都系佢哋嘅招牌颜色，白色与红色，系右上角仲有几只黑色，非常抢眼
今晚被安排坐系厨房前面嘅bar枱，系最正嘅位置，一来可以睇到师傅嘅功夫，二来又可以第一时间食，正
其实，以拉面馆来说，一风堂的确阔落，虽然坐系长长嘅bar枱上，但系一d都唔迫，非常松动，绝对冇因为人多而加位，又系日本人另一个执著同坚持，值得学习一坐低，又系白色与红色，一个红色嘅匙羹扥，上面放著一只白色嘅匙羹，再加上一本红色嘅餐牌同一张白色嘅纸巾，非常抢眼、触目，亦都非常贴题。
来一风堂，紧系要食拉面，除咗”赤丸新味”同”白丸原味”，仲有”一风堂辣肉味噌”；顾名思义，辣肉味噌当然系辣；白丸原味，系一风堂嘅传统味道；赤丸新味则系改良版，味道比白丸原味浓，因为加咗佢哋秘制嘅味噌；另外，仲可以加紫菜、青葱、半熟蛋、义烧、猪颈肉同豚角煮，不过每加一样都要另外加钱，价钱由$8至$25不等。
因为我唔喜欢辣，所以我叫咗个赤丸新味，𠮶服务员好有礼貌地问我要软d，还是硬d，因为我比较喜欢爽身，唔太腍，所以就要硬d；跟著就加𠮶煎饺子和炙烧牛肉他他；饺子都有两个选择，一种系”一风堂饺子”，就系我叫这种煎饺子，另一种系”日式炸饺子”，呢种做法系将d饺子炸熟，唔系煎；我就比较喜欢传统嘅煎饺子，所以就叫咗一风堂饺子。𠮶服务员仲好细心咁问我，想上什么菜先，既然我都系一个人，冇所谓啦，就叫一齐上，我谂我都可以招架得著，哈哈首先来的，系煎饺子，一碟五只，连同饺子汁同辣油一并奉上，好五只饺子好整齐咁放系一只铁板上，size偏细，一口一只的话，刚刚好；饺子上面，放咗d葱花同姜茸，我就二话不说，将d葱花同姜茸夹落只碟仔到，再加d饺子汁，准备开餐；一夹上手，已经感觉到皮簿，系好簿，但唔知是否惊皮太簿，易爆，所以馅都唔多，正因为馅少，反而唔觉油腻，肉汁唔算多，但鲜甜，尚可接受，但煎得唔够香口，唔够焦
跟著，就上拉面啦，系赤丸新味，我冇加任何配料，碗内有两块义烧，黑木耳，少量银芽，葱花，当然唔少得佢哋嘅秘制嘅味噌、黑酱油同蒜粒，至于笋、粟米、牛油都系冇嘅。
汤底系猪骨汤底，呈奶白偏黄色，上面有一层好簿嘅油，唔多，系应有嘅份量；先将味噌、黑酱油捞均，汤底即时变橙红色，香味亦随之散发出来，系一种浓烈嘅酱油加蒜头味，反而闻唔到猪骨嘅味道；呷了一啖汤，果然浓郁，首先尝到嘅亦都系酱油和蒜头味，虽然眼见份量唔多，但已十分足够，除此之外，亦都尝到肉味，不过尝唔到鲜味与否，因为被酱油和蒜头味所盖过；质地滑身，唔太胶，易入口；正想喝多口之际，慢著……喉咙内好似有一种微热嘅感觉，原来𠮶汤底有d微辣，的确系”微”辣，因为当你入口之际，系完全感觉唔到辣味，当你咽下后，𠮶种”微”辣嘅感觉，就会慢慢咁散发出来，有趣，值得欣赏尝过汤后，当然系面啦，面条系幼面，直身，唔系挛挛𠮶种；我拣咗比较硬身，入口，的确唔腍，有咬感，但系唔爽，唔够弹牙，去日本，冇食过一风堂，未知与香港是否一样，但今日就觉得有d失望。
至于𠮶两块义烧，系半肥瘦，我个人比较喜欢瘦，但今日反而觉得呢两件半肥瘦，肥得恰到好处坦白讲，香味唔足够，但系就好滑，唔嚡，冇渣，近乎入口即溶嘅感觉，如果冇足够嘅肥肉，系做唔到呢种效果，今日嘅半肥瘦，真系肥瘦均匀，肥而不腻，可惜只得两块，唔够喉
最后，就系炙烧牛肉他他，一个大沙律碗，放满冰粒，上面用叶同柠檬扥著九片生牛肉，酱料有一”球”wasabi混萝卜茸 (放系匙羹上)，中间浅色嘅系柚子胡椒汁和左手边深色嘅紫苏梅子汁，好靓，但系点解”他他”唔系切碎，系一片片嘅？算啦，冇再深究。先试吓d酱料，D萝卜茸的确混咗d wasabi入去，但份量唔多，少少呛鼻；柚子胡椒汁，少少酸，冇胡椒味；紫苏梅子汁，比柚子胡椒汁酸，味道亦比较强，几醒胃；我就将d萝卜茸分别放入柚子汁同梅子汁，捞混，准备醮牛肉。
牛肉唔系好大片，外面系烧熟咗少少，不过唔焦；入面系生嘅，但雪花唔多，唔够肥脂；厚薄适中，太厚，会太韧，难嚼，太簿，又冇咬感；第一件，冇醮任何酱料，肉味唔够，冇鲜嫩嘅感觉，但唔韧，以$78一碟嘅价钱，又岂会食到和牛呢？第二件，醮了柚子胡椒汁，少少酸味，不过都是淡淡的；第三件，醮了紫苏梅子汁，酸味比柚子汁浓，甚至盖过牛肉味，反正牛肉味都唔浓，当牛肉沙律食啦，反而几醒胃；唔驶五分钟，九片牛肉已经归入我肚里。
食完，仲有半碗汤，虽然比较浓，但都颇吸引，几惹味，所以一口气喝光了，才结账走人，但的确比较咸，半个钟后，返到屋企，仲有d口渴张贴
