8鍋臭臭鍋 (金巴利道) (已結業)

喺尖沙咀行街，经过呢间韩式部队锅食肆，见入面地方都几寛敞，$88有一set lunch，于是入去是旦食番个晏，叫左个香蒜牛肉锅，包埋一碗饭或者粉丝同埋一杯饮品。上枱时发觉个锅原来都几大吓，侍应小心地将个炉放喺我面前，然后点燃炉火，因为个锅食物已经热热哋，所以等一阵水已经开始滚，锅𥚃面有好多嘢食：牛肉片丶牛丸、娃娃菜丶蟹籽丸丶甜不辣丶冻豆腐丶粟米丶金针菇丶炸枝竹丶粉丝丶沙白丶蕃茄等等，全部一个人食，午餐嚟讲，真喺非常饱，其实仲包埋有一碗饭或者粉丝，我就拣左要一碗粉丝，因为可以吸收晒啲汤汁嘅精华，之后慢慢一啖一啖咁放入口食，非常过瘾好味，都想讲食食吓个炉火熄左，侍应好快帮手再点更著啲火，加晒服务印象分。