肥仔黎 (已結業)

盐水鸡分别 13：00 / 18：00 供应，售完即止。分别有独享餐/半只鸡/一只鸡，另加一款配菜。好好彩，啱啱俾我买到最后一只（$135），配菜要咗青瓜，另外拣咗BB辣。付款后，会收到个牌仔，然后系店外等，大概15分钟就有得拎了。（外卖包装好特别呢）回到家放入雪柜保持冻食，开饭转落只大碗，份量原来都好多。至于味道如何，咸咸哋，少少辣，酱汁味道OK。脾位滑，胸位就一般般，鸡皮爽，最正系完全冇肥膏。鸡肉完全起哂骨（除脾翼尖外），方便食用。青瓜正常。