入麵 (已結業)

第一眼见到回味酱骨架（$64），即刻谂起N年冇食过嘅「面点王」，一于试吓。拣完主食，就拣面底，有捞面有汤面，今日都几热吓，所以拣咗麻香酱捞面。最后拣埋饮品，冻珍珠奶茶。酱骨架有三大旧，再加半只糖心蛋，同三片青瓜。餐厅好贴心提供胶手套方便“轮”骨。虽然望落好似比较干身，但好在唔太嚡口，而且劲入味，酱汁咸度合适，用嚟捞饭一流。糖心蛋虽然不是流心，但蛋味几香。麻香酱捞面，芝麻味几重，再加上甜甜哋嘅酱汁，味道不错。要咗多汁，够捞哂成碟面。面条软硬度恰到好处，有咬口，唔糊口，而且份量不少，绝对够饱。冻珍珠奶茶，茶味偏淡，比较普遍，只属于合格之作。