青蛙仔香港地美食

营业中

休息中

呢间系旺角好巴闭嘅卤味店「肥姐」嘅大新抱开嘅新店。老实讲，次次经过旺角排队条龙都劲长，我就唔排嘞，呢度人少少唔使排，又话同一味道，咁就可以试吓。大皇牌（$40）有三串卤味，墨鱼、大生肠、火鸡肾，配上酱汁、甜酱、芥末酱。先试火鸡肾，有五件，软身得嚟又几弹牙；跟住试大生肠，同样有五件，爽口，有好些微生肠独有嘅腥味（可接受）；最后食墨鱼，有六件，由一条颇粗嘅墨鱼须切件，唔韧，弹牙，好𡁻口。真心讲，三样嘅底味（原味）就无乜，但酱汁味的确唔错，味道好夹呢啲卤味，所以整体系几好食嘅。