尚御潮滷居

营业中

休息中

食完「很得辉」嘅炸鸡髀，向前行多两个街口，买外卖。话说呢间餐厅系前排睇「空肚讲宵夜」，有一集讲大角咀，其中一样嘢食就系鹅肝，我见到都好吸引㖞，即刻上网摷吓系边间，终于比我揾到，就系「尚御潮卤居」。酒香鹅肝，半份（$110）因为浅尝，无要一份，半份已经足够了（大约有十数片）。师傅切好后，会倒入大约两三汤匙嘅酒浸住鹅肝，拎到返屋企，打开个盒，酒香味仍有。鹅肝口感十分软滑，除外层稍稍无咁滑，里面几乎入口即溶。因为鹅肝本身浸煮时已经有底味，再加上酒，层次再丰富啲，整体不错。卤水鹅头颈，例牌（$68）属于「外卖优惠专区」餐牌，睇住师傅斩，一直斩，继续斩，咁多嘅，足足斩咗成个鹅头+成条鹅颈，真系好大份（谂住例牌，都唔会好多啫）。至于味道，卤水味唔咸（初头觉得可以再咸少少，味再浓丁丁就好，但食吓食吓，又几够味㖞），香料味亦有。鹅颈皮滑，接近无肥膏，但鹅颈肉好有咬口，都要有番咁上下牙力先咬得开，但慢慢噒吓骨，叹下啤酒，都几疏肝。