影片
更多
2007-06-03
298 浏览
周末放工后搞好银行事情后,走出巴士站玩随意,结果坐左巴巴入机场。行完T1后走入富豪机场酒店,见到呢间前身为lobby lounge既regala,八卦睇下餐牌时,女侍应好热情地招呼我,仲叫我睇下如果食物合心水可以试试,见到呢度人少少又几对眼,既来之则安之。热盘除肉丝炒面、炆牛肉外,只试煎三文鱼,鱼块煎得颇香,味道淡淡,幸好无腥味!沙律/面包,沙律菜相当新鲜,加上小量千岛汁已经好好味,只可惜无黑醋供应!从巨型三层架夹左青瓜鸡肉三文治及烟三文鱼法包各一,前者鸡胸肉几厚身同大块,配上爽脆青瓜片,味道清新;后者造型够靓,一大片烟三文鱼卷成玫瑰花形状,鱼肉同样地无腥味,好味!只可惜法包稍软,食落较靱。点心种类比热盘多,烧卖大大粒有虾肉及猪肉,不过肉馅淋淋,可以爽口d就好;猪肉卷以酥皮卷住猪肉馅,酥皮几香,猪肉馅好重香草味,味道几特别;咖喱杂菜酥外型同猪肉卷相似,内容变为香辣咖喱味道既蔬菜,味道都好浓郁,两款都ok!越式春卷网状外皮炸得酥脆,馅料为肉碎、冬菇碎,配合得唔错,只系蘸料唔用鱼露而用泰式鸡酱;热香饼只食左一半,贪得意之作!甜品所占比例最高,觉得好食款式有:唯一一款中式甜品绿豆沙煲得够淋,
行完T1后走入富豪机场酒店,见到呢间前身为lobby lounge既regala,八卦睇下餐牌时,女侍应好热情地招呼我,仲叫我睇下如果食物合心水可以试试,见到呢度人少少又几对眼,既来之则安之。
热盘除肉丝炒面、炆牛肉外,只试煎三文鱼,鱼块煎得颇香,味道淡淡,幸好无腥味!
沙律/面包,沙律菜相当新鲜,加上小量千岛汁已经好好味,只可惜无黑醋供应!从巨型三层架夹左青瓜鸡肉三文治及烟三文鱼法包各一,前者鸡胸肉几厚身同大块,配上爽脆青瓜片,味道清新;后者造型够靓,一大片烟三文鱼卷成玫瑰花形状,鱼肉同样地无腥味,好味!只可惜法包稍软,食落较靱。
点心种类比热盘多,烧卖大大粒有虾肉及猪肉,不过肉馅淋淋,可以爽口d就好;猪肉卷以酥皮卷住猪肉馅,酥皮几香,猪肉馅好重香草味,味道几特别;咖喱杂菜酥外型同猪肉卷相似,内容变为香辣咖喱味道既蔬菜,味道都好浓郁,两款都ok!越式春卷网状外皮炸得酥脆,馅料为肉碎、冬菇碎,配合得唔错,只系蘸料唔用鱼露而用泰式鸡酱;热香饼只食左一半,贪得意之作!
甜品所占比例最高,觉得好食款式有:唯一一款中式甜品绿豆沙煲得够淋,味道唔太甜,只可惜欠缺海带及臭草香味,美中不足!芒果慕丝芒果超甜,mousse都几滑,最意想不到中间有d椰丝在内,感觉上较丰富,笔左几块围边朱古力片,原来系瑞士莲朱古力,好味;热情果软忌廉以香槟杯独立盛载,面头热情果汁好浓又甜又酸,一啖食落去的确精神一振!中间软忌廉应该系芝士,因为食落好香芝士味,以酸甜热情果汁中和比较腻口既芝士,唔错。
唔好食甜品种类有一粒圆柱体类似蛋挞既小饼,个人唔钟意阵味,no good!芝士饼竟然无应有个阵芝士饼味道,质感软绵绵,同食普通蛋糕无异,no good again!!
水果方面,最甜系菠萝,虽怕烂口都要食好几粒,其余西瓜、蜜瓜都唔错,沾左少少朱古力喷泉黎食更妙!
自闭发呆地坐左个半钟,以一杯几好饮冻柠茶作结,满足!
服务方面以2位junior 女侍应较热诚及有笑容,有位著黑色套装应该较高级既就比较cool,收钱时连应有"多谢"都无句,似乎有商榷余地。
环境方面尚算舒适,只系紫白色梳化比餐桌高,食野就比较辛苦,而且冷气有点不足,所以有几部活动冷风机放系通道,幸而我个自闭位还算多冷气,而且身后有喇叭传出轻音乐,令到我呢个自闭发呆tea更舒适!
张贴
