富盈火鍋雞煲專門店 (已結業)

今晚同朋友行完信和，行返过来系女人街尾位置左右见到呢间火锅鸡煲，起初见到个价钱都几抵食，可以选择任食鸡煲及韩烧或任食火锅配韩烧，于是先上了去，上面餐厅环境阔落，中间位置就系食物自助吧，大量新鲜材料选择，有最爱嘅肥牛、滑牛、不同款式嘅丸丸，还有墨鱼滑任加，最后就点了任食麻辣鸡煲同韩烧组合，落单后，店员好快就出了个鸡煲，跟指示要煲一阵，出面还有小食可取，见到有必吃推介咖喱鱼蛋猪皮，咖哩味道香滑鱼蛋弹牙爽口，加埋吸了咖哩汁嘅猪皮，餐前必吃，而炸鱼皮亦十分香脆，打开鸡煲香浓嘅麻辣味扑鼻，鸡肉入口嫩滑，味道香浓！如果喜欢可以再加，份量十足！而同时间还可以利用枱上另一边嘅炉进行韩烧，当然要烧最爱嘅红肠同午餐肉，烧完后十分香脆可口！当食完鸡煲就可以自己取汤底加入鸡煲内，今晚可以两边一齐，墨鱼滑超级弹牙，还有大大只云吞，内有弹牙爽口虾肉同猪肉，十分有口感！而肉就用韩烧方式处理，自己喜欢香口，所以可以煎耐少少，煎得较香口！还有这里嘅甜品亦唔错，最爱就系个特浓朱古力，味道十分浓郁，芒果亦十分好味道，选择多，份量细！又有雪糕杯选择，真系看看你食得几多！如爱吃肉，这里绝对满足到！