影片
更多
2019-11-24
297 浏览
好耐冇同媽媽食飯，近近地揀咗呢間雞煲放題，一開始我以為係三揀一，再三確認之下原來係一個價錢食晒三款。呢度基本上係自助形式，除咗啲火鍋食物同燒烤醃料之外，餐廳仲有好多飲品，熟食，甜品俾你揀。我自己就揀咗其中幾款熟食，有泰式鳳爪，口水雞卷，娃娃菜同滷水牛肚。佢個滷水牛肚炆到好林好入味，好香滷水味。而個泰式鳳爪係冇骨嘅，小小辣，好開胃。另外佢個口水雞唔會好辣，但就好入味。不過我最欣賞嘅都係佢個參鬚雞湯，清清地，幾好飲。然後就係主角雞煲啦，佢啲雞肉好滑，而且個調味都好夠，每舊雞肉都入晒味。最重要嘅係佢可以無限加雞，食到你飽為止都得，所以淨係食雞煲都已經性價比好高。因為我同媽媽兩個人食嘅嘢唔多，所以skip咗個火鍋，直接進入燒烤模式。佢可以揀嘅燒烤食物好多，但因為都飽飽地，所以我哋淨係試咗啲魚同埋叉燒金沙骨。全部都醃得好入味，而啲魚肉都好滑。燒烤當然唔少得我最愛嘅燒菠蘿啦，佢啲菠蘿真係好甜好多汁，食完咁多肉類，食返個燒菠蘿解膩真係一流。最後當然唔少得甜品啦，呢度嘅甜品全部自家製，有豆腐花，牛奶布甸，芒果布甸同埋紅豆布甸。啲豆腐花都幾滑，易啲布甸唔會太甜，味道啱啱好，連媽咪都食到。佢呢度每張枱都有
呢度基本上係自助形式，除咗啲火鍋食物同燒烤醃料之外，餐廳仲有好多飲品，熟食，甜品俾你揀。
我自己就揀咗其中幾款熟食，有泰式鳳爪，口水雞卷，娃娃菜同滷水牛肚。佢個滷水牛肚炆到好林好入味，好香滷水味。而個泰式鳳爪係冇骨嘅，小小辣，好開胃。另外佢個口水雞唔會好辣，但就好入味。不過我最欣賞嘅都係佢個參鬚雞湯，清清地，幾好飲。
然後就係主角雞煲啦，佢啲雞肉好滑，而且個調味都好夠，每舊雞肉都入晒味。最重要嘅係佢可以無限加雞，食到你飽為止都得，所以淨係食雞煲都已經性價比好高。
因為我同媽媽兩個人食嘅嘢唔多，所以skip咗個火鍋，直接進入燒烤模式。佢可以揀嘅燒烤食物好多，但因為都飽飽地，所以我哋淨係試咗啲魚同埋叉燒金沙骨。全部都醃得好入味，而啲魚肉都好滑。
燒烤當然唔少得我最愛嘅燒菠蘿啦，佢啲菠蘿真係好甜好多汁，食完咁多肉類，食返個燒菠蘿解膩真係一流。
最後當然唔少得甜品啦，呢度嘅甜品全部自家製，有豆腐花，牛奶布甸，芒果布甸同埋紅豆布甸。啲豆腐花都幾滑，易啲布甸唔會太甜，味道啱啱好，連媽咪都食到。
佢呢度每張枱都有個吸煙機，食完會成身味。另外呢度每一個員工都好親切，好好笑容，經常走來同你講隨便出去攞嘢食啦，又會介紹下有啲乜嘢食，呢一種人情味真係只有呢種小店先至會識得到。
张贴
