倫哥火鍋私房菜 (已結業)

最头痛系朋友生日要谂食咩，突然醒起伦哥听闻食评唔错都想试好耐啦。虽然系平日，都坐满人㖞，好彩有book位啫🤭，坐低无耐食物就轮住上枱，鸡煲，刺身，花胶，圣子皇，正呀！鸡煲唔使讲啦，浓味唔会输，仲要系自己炒，过火都唔关佢事🤣🤣。食住鸡煲叹刺身，刺身都算唔错，虾刺身都几鲜甜，跟住就系粉丝蒸圣子皇同埋花胶，其实食到呢刻都有d饱，但系眼前果盘海鲜拼盘又唔可以错过㖞，所以我地决定转打火锅，我地用左最原始的皮蛋芫西汤底，都好足料，d皮蛋食极都有😂😂，可能佢晚晚都多客，所以海鲜都算新鲜，仲有佢盘牛颈脊真系好味，可惜唔系任食，饮品方面佢都好多选择，个cream soda仲好似好饮过出面果d,够汽得黎又冇咁甜㖞，基本上我地食哂佢第一轮送黎d野都已经饱哂，😮连甜品都唔记得食添，下次一定要补返🤭