椰子星球 (已結業)

经过呢个炎热嘅圣诞节后，终于开始感受到寒意啦~ 新一年大家真系要身体健康，第一个工作日要去将军澳开会，仲记得过往食过呢头嘅餐厅质素都非常之高，所以对呢一区都有好深印象，今日一如以往开会~ 开会~ 开会~ 搞到大约四点半钟先完成手头工作，但又未到晚饭时间，所以同秘书小姐求其揾少少嘢食之后先返去。由于呢区天气都算比较寒冷，所以都谂住揾啲热野食，途经新都城商场见到间门面几Cyber嘅舖头，个舖头名叫做 ”椰子星球” 果然好贴题~~~ 见到佢入面装修陈设都几靓，绝对系俾啲女士打卡用，秘书小姐见到已经话想试下，既然系咁食少少嘢算啦。佢个餐牌大部份都系甜品，不过亦都有小食同埋好适合依家天气嘅炖汤， 我呢啲有选择困难症拣咗一段时间，   最后要佢哋招牌椰子甜品同埋餐牌推介嘅烧仙草椰子奶，而秘书小姐就拣咗个炖汤。等紧嘅呢段时间秘书小姐喺度自拍，而我就比较钟意睇制造过程，见到部机器开椰子都真系几有趣，等咗一阵间几款食品已经搞掂可以上枱啦~ 佢哋呢度真系好有心思，喺枱上面放咗啲圣诞装饰等人哋打卡都靓啲。我𠮶杯烧仙草椰子奶个器皿好吸引成个卫星咁，所以都急不及待饮几啖。由于系热饮椰奶味道果然好清甜，再配合仙草