影片
更多
2023-10-23
343 浏览
呢个食评教训到自己两件事....第一，现金一定要带够，因为有啲地方，现金仍有存在价值，尤其是呢啲只收现金既餐厅、酒家。第二，一个人唔应该叫太多嘢食，当然，呢次例外，皆因点心好吸引。八年无返过嚟香港，虽然 有啲嘢系变咗，但感情不变，始终香港系成长之地，亦都挂住香港一大堆美食。云云食过既餐厅入面，川龙呢间要介绍既茶楼最为深刻彩龙一直有听闻其名，但要真系去果度饮茶系未去过，难得返嚟一次，今次点都要去试下。于是趁星期日一早，走去荃湾，搭51号巴士上山。平日既51，系无乜人会搭，但一到星期日，行山友众，如心广场上车可坐满一架巴士。但去到荃湾站，基本上可以「打爆」（满载）一架巴士，原本红公司（九巴）有计划星期日或假日改派双层巴士行51，车都试埋，但只闻楼梯响。未几，去到川龙，酒楼响巴士站旁。入面既姐姐待应好好人，因为第一次去，都帮我夹点心。一共叫咗九样野食（其实一个人差啲食唔晒），当中有鸡札同鹌鹑蛋烧卖，鸡札响外国见唔到，以前 LA有一间港西系有整既，但后尾无，原因系工序复杂；需鹌鹑蛋烧卖系有既，只系味道差减截。个人觉得个豆腐花好正，毕竟有听闻用川龙既山水去整。本来想要冻既，但姐姐推介热食更有风
第一，现金一定要带够，因为有啲地方，现金仍有存在价值，尤其是呢啲只收现金既餐厅、酒家。
第二，一个人唔应该叫太多嘢食，当然，呢次例外，皆因点心好吸引。
八年无返过嚟香港，虽然 有啲嘢系变咗，但感情不变，始终香港系成长之地，亦都挂住香港一大堆美食。
云云食过既餐厅入面，川龙呢间要介绍既茶楼最为深刻
彩龙一直有听闻其名，但要真系去果度饮茶系未去过，难得返嚟一次，今次点都要去试下。于是趁星期日一早，走去荃湾，搭51号巴士上山。
平日既51，系无乜人会搭，但一到星期日，行山友众，如心广场上车可坐满一架巴士。但去到荃湾站，基本上可以「打爆」（满载）一架巴士，原本红公司（九巴）有计划星期日或假日改派双层巴士行51，车都试埋，但只闻楼梯响。
未几，去到川龙，酒楼响巴士站旁。入面既姐姐待应好好人，因为第一次去，都帮我夹点心。
一共叫咗九样野食（其实一个人差啲食唔晒），当中有鸡札同鹌鹑蛋烧卖，鸡札响外国见唔到，以前 LA有一间港西系有整既，但后尾无，原因系工序复杂；需鹌鹑蛋烧卖系有既，只系味道差减截。
个人觉得个豆腐花好正，毕竟有听闻用川龙既山水去整。本来想要冻既，但姐姐推介热食更有风味，不过觉得个豆腐花几滑下，同出面分别好大。另外亦有试过西洋菜，好爽口。
当然，山竹牛肉、粉果同虾饺都不可少..............
但食到一半，教训就开始，身上只有$140，而叫咗咁多点心，应该超出Budget之外。
因为川龙系极之山旯旮地方，方圆十哩无银行，而酒楼系只收现金。原本谂住食完之后先去畅钱（本身除咗呢$140之外，就只有美金)，但开始担心既系，唔够钱畀，可能要留响酒楼度「洗碗」还数呢啲情景。
但好彩既系，真心多谢一位好兄弟，山长水远走上嚟救我。呢份情，一定要珍惜，因为若然无佢，真系唔知点算。
叫得太多点心，但印象最深系西洋菜同豆腐花
9 浏览
0 赞好
0 留言
题外话/补充资料：
餐茶一共283蚊，虽然贵，但相比起LA饮茶而言，仍然算抵食既。
尽管如此，下次再返嚟我会继续上去帮衬。个豆腐花系好吸引到我，之不过，「经一事、长一智」，下次会带多啲现金上去食。
(以上食记乃用户个人意见 , 并不代表OpenRice之观点。)
张贴
