Little Old Town (已結業)

今日放假约咗bf lunch 撑台脚，睇嚟睇去都冇乜选择，最后拣咗呢间东南亚菜。一来贪呢间餐厅唔洗等位，二来睇到个餐牌唔错。餐厅装修以白色及粉蓝色做主调，加点彩色的围栏形做一个露台嘅感觉，望落去开扬d 有d渡假feel~就系呢个餐牌吸引到我，不过最后我哋都冇叫到。因为我见到有lunch special snacks ，就系叫menu上嘅粉面，可以加钱叫一款小食。但如果叫龙虾鲍鱼喇沙就无得叫小食，哈哈！海南鸡饭味道一般，不过不失。烧猪颈肉冬荫功汤金边粉烧猪肉香口唔肥腻，冬荫功汤够酸又够辣，金边粉够爽滑。炸虾饼虽然唔算弹牙但新鲜炸起热辣辣。酸辣无骨凤爪正常水准，份量适中。香茅姜蜜 & 薏米水浓浓嘅香茅味加上姜嘅味，甜度适中。薏米水份量十足，祛湿一流。