老四川 (已搬遷) 新店位置

叫左个酸辣土豆丝同半只口水鸡。通常第一次去一间餐厅都会叫小辣因为各间餐厅辣度不同，为左唔好辣到飞起而家做。先上土豆丝，净系食到酸味而且仲系好酸𠮶只，完全唔辣。咁就问佢有无辣酱啦，佢就ee or or, 仲同厨房话明明系我自己嗌小辣。之后佢拎返碟野入去帮我加辣，唔知系佢有心加到好辣定点，酸味完全无哂。口水鸡系食哂一大碟土豆丝后再等左至少五分钟先上枱，其间楼面追单但系厨房又系咁话无单，拉扯左一大轮。睇落好似好辣，不过食落又无咩辣味。个碟好大，只鸡比想象中细。总括黎讲，我未食过咁难食嘅四川野。两碟𩠌加两罐野饮盛惠两旧，性价比都几低。