麵尊

营业中

休息中

面尊今次要介绍喺香港仔一间车仔面餐厅叫「面尊」，呢间「面尊」有两个入口，正门入口有一级，轮椅人士可以转左边入香港仔中心入「面尊」侧门，佢哋侧门系无障碍通道，不过要L形入去，真系要考考大家驾驶技术！入到去见到餐厅店舖好干净好光猛，座位唔会好逼，一般车仔面餐厅多数一枱至少有两位陌生人一齐坐，呢间车仔面真系坐得好舒服，墙上仲有五个不同国家嘅时钟，唔知系咪提旅客够钟上飞机呢？！1.大尊：猪红、萝卜、咖哩鱼蛋、红肠、猪皮、菜（幼面）$49+热奶茶$17（9/10）叫咗一碗大尊，呢个大尊套餐对于有选择困难症嘅我真系一流，唔使谂又多配料，配料包括有5旧唔腥嘅猪红、2旧好甜无渣嘅萝卜、2粒好弹牙嘅咖哩鱼蛋、2旧红肠、2片索哂牛腩汤汁嘅猪皮同几块生菜，面就拣咗幼面，饮品就拣咗热奶茶要加$17，奶茶茶味好出，奶味唔见咗，奶茶整体好一般！2.萝卜$10、墨鱼丸$12、五香牛腩$12（河粉$10）+豆浆$14（8/10）呢碗就每样配菜单点，拣咗加$10两旧好甜无渣嘅萝卜、加$12两粒好粉嘅墨鱼丸同加$12六旧有少少韧嘅五香牛腩，面就拣咗加$10要河粉，河粉份量都几多，饮品就拣咗豆浆要加$14，豆浆少甜几好饮！