牛の鍋日本料理

营业中

休息中

咁耐冇同朋友聚一聚，要食得饱食得畅快，几个老友就一齐去打边炉，老友聚脚点之一皆因呢度有齐日本料理、火锅、甜品。二百几蚊一位，就可以食晒二百几款。由于全场任饮汽水、包装饮品、韩式饮品、啤酒、热茶等等，真系悭返唔少饮野钱！肉类我首选纽西兰羊肩肉、美国极上牛肉、特选豚肉，尤其是羊肩肉真系好抵食，肥瘦均匀，薄切嘅羊肉渗入shabu shabu甜味，更加滋味！海鲜类都有好多，要回本当然要食鲜虾、大蚬，鲜虾同大蚬大大只，够爽口！酱料、饮品、蔬菜类、菇类、芋头之类全自助。甜品要叫宇治抹茶芭菲、姜汁汤圆、冰糖雪耳炖木瓜、香草绿豆沙呀，中式糖水出色，估唔到抹茶味都调校到啱啱好。刺身识落都几新鲜，仲要有好几款，八爪鱼、包片、北寄贝、赤贝三文鱼、带子、甜虾，其实仲有寿司、其他小食、日式料理，款色多到真系食唔晒。一人一锅除咗卫生啲之外，仲可以拣唔同汤底，flexible 好多！