鳴虎 (馬頭圍道) (已結業)

今日去左土瓜湾启岸既呜虎分店，冇谂过佢价钱唔符合食物质素都不特止，啲员工质素都非常差，尤其系金色头发嘅男经理，我坐低冇耐就开始听到佢好大声咁同啲员工倾计，专登企埋收钱个边既位，以为啲声啲客听唔到，成间舖夜晚得几个客，佢讲嘢几乎全部人都听到，心谂乜好得闲咩，围埋三个喺度吹水，不如睇下啲客有咩需要好过啦。再讲佢哋啲嘢食，快系快上嘅，不过黎到令我觉得根本唔知食咗乜，叫佢哋招牌嘅拉面，个汤底就好似出前一丁味粉沟出黎，又咸又冇猪骨味，都唔明点解会有咁多好评，真系伏上加伏，咁嘅质素卖成百蚊一碗，仲要加一服务费，根本唔知啲服务去咗边？讲真佢哋咁嘅质素都可以开舖，总公司唔该检视下个主管有冇足够领导能力training好先俾佢落黎番工，仲有食物嘅品质同定价真系十分之有待提高，拉面黎讲我都系第一次食到一肚火！