九頭鳥米線

营业中

休息中

12:15pm到达，叫一个米线外卖，我询问大概要等几耐，收银阿姐话要15-20分钟，ok，我便去其他地方处理私事，谂住15分钟后折返攞个外卖。返到去，门口都有7-8个人企喺度，𠮶阵时间已经系12:40pm, 我走去收银处问我个外卖有未，答覆话未有，就得；最后12:53pm, 我忍唔住…天气好热，35度高温下，我著火了，再走入去愤怒地问：出左咩问题？等左7-8个字，我坐喺度食埋都得喇！究竟几时有？然后有个阿姐先帮我跟….最后12:57pm我先攞到外卖!!!!!!! 龟速出外卖好离谱！如果我得一小时午饭时间，我就白白浪费左喺等呢个外卖上！九头鸟….我变愤怒鸟😡😡 味道，一般般，汤好重口味，食完好口渴，隔离南记不输佢，仲平过佢，出餐快过佢！香港地午饭时间最紧要快，出餐出得咁慢，唔该检讨！