海里鮮蒸氣石窩 (已結業)

冬天冻冰冰，一大班fd出黎食野都系火锅、鸡煲呢啲选择架啦🤔。想食得唔同啲，不如试下海鲜蒸气火锅？今次司令同朋友就食得好满意啦！全因为海鲜真系好新鲜！即使系蒸出黎都好好味，超晒班！重点要讲下以下令司令好深刻嘅菜，包括有圣子、蚝、鲍鱼同埋排骨粥。圣子每件都包埋少许粉丝，蒸熟后冇加调味料已经好鲜！点左少少豉油已经好够，好味！蚝系每只都大过手掌架😍，蒸完都系一个字，鲜！不过司令个人黎讲中意食生蚝多啲😝。鲍鱼本身已经有姜同葱去辟味，所以即使蒸熟都唔腥。粥都推荐？系呀，但其实呢个粥就系放系蒸炉下面一直用海鲜流出黎嘅精华一齐煲，食到尾声就会有一煲软绵绵嘅南瓜排骨粥。所有海鲜嘅精华都煲晒入呢煲粥，可想而之系几好味！司令食完都再添左一碗，真系好正呀！呢度仲有好特别嘅菜—冰菜可以选择，食落好juicy，都真系好少地方有得叫！套餐仲有糯米饭配水蟹，蟹肉唔算蟹但够鲜甜，糯米饭够甘香，蒸到岩岩好，唔洗怕会唔饱！其实每道海鲜都会有时间计著蒸几耐，所以真系唔怕会老，仲有侍应姐姐由头服侍到尾，帮你睇著个火。中意食海鲜嘅朋友带屋企人一齐试试呢。