超級自助壽司店

营业中

休息中

今日同男朋友去淘大谂住食寿司，又唔想食d连锁寿司店，所以见到附近有间小店又几多人食就去左试下。我地order左辣味三文鱼，火炙左口鱼裙边、火炙三文鱼腩、日本带子、加拿大海胆、大葱吞拿鱼腩同香芒软壳蟹寿司。串烧就叫左安格斯牛柳粒、大葱同鳗鱼。落完order等左好耐先有个香芒软壳蟹寿司，d寿司全部都好细件，得两节手指尾咁细，味道好一般，火炙三文鱼腩又薄又烧得过左龙，烧到一pat野咁，个左口鱼裙边仲要未溶雪，咬落去系出水唔系出油。之后又等左好耐先上串烧，个安格斯牛又系未溶哂雪，一阵雪味，大葱同鳗鱼串烧都系相当一般，不予置评。两个人埋单食左四百几蚊，完全唔值，下次都系食返连锁。