Misto Restaurant (已結業)

昨晚同朋友一齐去左misto 食饭..一去到个环境已经觉得好舒服,好正,好啱我哋倾偈. 我哋叫左个3人餐+pizza,(我哋有4个人),一开始先嚟饮品,系桃味ga好鬼清新,又唔会好甜,我仲唔小心整舍左落只手到.谂住实要洗手啦..点知一d'之笠笠'的感觉都无,证明一定无沟糖水.good~~ 之后再嚟头盘.软壳蟹沙拉&沙嗲鸡串烧,碟串烧一攞埋嚟就已经嗅到好香啦,食落一样正,d鸡肉唔会鞋', 接住系pizza, d涵十足,啖啖海鲜,味道一流,劲正. 之后主菜,个意大利饭,同个鲜毫墨鱼面,简直系惊喜,睇落同一般的无咩分别,但食落就知系用新鲜材料整,一d都唔马虎,本身我已经好饱ga la,但真系忍唔住,最后当个甜品--心太软--嚟的时候大家都已经好饱,停晒手,但当第一个fd开始食,见佢个样呆左几秒,以为唔掂.点知佢大叫''好好食,'比美'大酒店的味道.''真系比佢吓亲,我就试下啦..哗,真系好食到呢,...一d都唔'漏' 我哋咁饱正常仲食朱古力应该顶唔住,但食佢哋哩个真系无'漏' 的感觉,最后我哋都清晒.今次的饭局我实在太满意啦..真系好想将哩个咁好的地方介绍比大家呀......你一定要试下呀.