薩莉亞意式餐廳 (大元街市) (已結業)

一直唔明点解呢间咁多人排队，寻晚谂唔到食咩，于是就决定入去试吓。等左两张飞大约10分钟后就入咗去，啲位都算几舒服，有梳化都算干净。个餐牌真系几多选择，而且大部份都几平，30几蚊左右就有一个薄饼，意粉或者饭。最后叫咗一个肉酱多莉亚，一个野菌薄饼，野菌炒西兰花。自问唔算大食，2个人食，个份量啱啱好。个肉酱多莉亚，芝士同肉酱味嘅比例啱啱好。至于个野菌薄饼，个野菌几丰富，再加埋蒜蓉同芝士，口感都算唔错。最后加个清清地嘅野菌炒西兰花，健康得来啲蒜蓉有意外惊喜，整体来讲都算几满意嘅一餐，埋单两个人都系80几蚊，以后会再嚟。