一起果醬 (已結業)

一直去开西贡let's jam,今日同女友行开尖沙咀，于是决定去试下佢地嘅晚餐,我地book左7点枱，早左半个钟到，但店员都好好安排座位俾我地，7点左右陆续多人，所以大家去之前最好book位先。门口装饰几靓，唔执输影番几张先。叫咗个法式油封鸭脾伴紫薯泥配丁白橙酱。未食，闻落个鸭脾已经好香。用把刀轻轻切落去就已经好腍，就咁食佢d肉就有阵咸香味，如果点埋个香橙酱食，带点果香味，唔错。另外为女友叫咗个龙虾汁海鲜意大利饭。有2只虾，2只青口，1粒带子。食落就知道用料新鲜，份量亦足够。最后叫咗杯真·红豆冰，好耐冇饮，劲有怀旧feel。