夢工房西日料理 (已結業)

今日同朋友仔行葵芳，順便係附近食埋個lunch 揀左間係地鐵站附近食日本放題嘅餐廳。呢間餐廳嘅放題都幾多選擇，除咗一般既壽司炸物拉麵，仲有打邊爐，竟然仲有磯燒水產食，好特別啊！首先叫左d壽司，叫左芝士炸蝦卷、蟹柳壽司同和牛壽司。炸蝦卷炸得很香脆，不過蝦大隻d就好，同芝士好惹味。蟹柳壽司面頭有䁔粒粒嘅芝士，好香。和牛壽司面頭係XO醬，味道辣辣地，幾開胃。螺肉味道酸酸辣辣咁好開胃，非常煙韌。而且份量唔多，唔怕食唔晒。炸物方面，叫左紫心香芋丸同炸蝦餅，炸蝦餅有少少似泰式炸蝦餅，味道有少少冬陰公味，味道辣辣地。我最鍾意食呢個紫心香芋丸，我覺得似係紫薯波波，紫薯味好濃。味道煙韌甜甜地。磯燒水產方面叫咗個味增蟹蓋同埋帆立貝。蟹蓋燒左陣蟹膏既香味已經陣陣散出，將蟹膏撈埋蟹子蟹柳蛋黃同蔥一齊食，非常甘香鮮味。帶子大約燒45秒，啲海水就會滾起來，就可以食得，帶子好新鮮，味道鮮味。今日有啲凍凍地，我想食啲暖粒粒嘅嘢暖下個肚。見到有得打邊爐梗係試埋啦，估唔到放題打邊爐都有咁多選擇。我哋揀咗個番茄湯底嘅。本身見到個番茄湯底顏色咁淺色，仲以為味道好淡，點知原來好重蕃茄味。加咗個公仔麵公仔麵吸收晒蕃茄味嘅湯汁，味