北海丼 (已結業)

话说有一日同同事喺太古城中心做完嘢，一路谂食咩嘅时候，我就一路讲好想去日本旅行！行行吓见到呢间日本餐厅，望入去好宽敞，感觉几舒服就入咗去食！打开佢地menu好多选择，而佢哋都有一个lunch set Menu，全部都好吸引！最后我同同事都拣咗一个有齐我喜爱嘅飞鱼籽同海胆同松叶蟹嘅北海三色丼！一上餐望到都觉得正啦！佢有个小前菜-腌青瓜，味道几好，好开胃！之后就开始食过北海三色丼啦！入边有松叶蟹，飞鱼子，虾同海胆！食落新鲜，又足料，唯独是海胆比较小，但系以呢个价钱其实都性价比高！总括一下，呢度嘅服务态度，食物同环境都好好！如果再喺太古坊做嘢都会Encore好彩都叫满足到我想去但未去日本旅行嘅心呀