影片
更多
2021-07-13
331 浏览
十年没有写食评！为了这一碗无味精车仔面，懒惰的我来认真写一次，也是我第一次用手机来写食评，真的不懂怎样操作😵其实真系唔系好想写呢篇食评，我除咗钟意食呢碗车仔面，我都钟意堂食，因为呢间嘢位置偏僻，真系无人会特登行过嚟食啰😂我就系钟意呢度无人，经常我一个人包场，坐系度打吓机都数知几爽，好过坐cafe。唔好讲咁多废话，有相为证据，真系一星期食咗三次！🤣 堂食，外卖，堂食。先评汤低，清，真系清，如果食开其他车仔面，会觉得无味，所以我建议真系唔好叫清汤啦！有车仔汁（微辣），麻辣汁（够麻小辣），咖哩汁（够浓味）。至于点解师父要咁非主流做无味精车仔面？我谂佢系想突出每样配𩠌嘅味道。老实讲，岀面嘅车仔面，无论你加几多𩠌，好多都只有一种味。冬菇，第一次嚟食已经系惊为天人，虽然睇落好似细细粒，但其实系好厚肉嘅日本花菇😂痴线，食车仔面有日本花菇！第一次嚟同枱姊妹话，哗！好厚肉呀！！花菇有菇味，完全唔会俾调味或个汤底遮咗佢本身嘅味。10分猪大肠，睇相都睇到佢唔系岀面卤到好深色𠮶种，但你唔洗担心佢无味。我最欣赏佢煮到啲大肠仍然好有弹性，有咬口👍🏻 唔会好似有啲舖头煮到淋擗擗 ，一块嘢净返块肠皮！好实在，好满足！
其实真系唔系好想写呢篇食评，我除咗钟意食呢碗车仔面，我都钟意堂食，因为呢间嘢位置偏僻，真系无人会特登行过嚟食啰😂我就系钟意呢度无人，经常我一个人包场，坐系度打吓机都数知几爽，好过坐cafe。
唔好讲咁多废话，有相为证据，真系一星期食咗三次！🤣 堂食，外卖，堂食。
先评汤低，清，真系清，如果食开其他车仔面，会觉得无味，所以我建议真系唔好叫清汤啦！有车仔汁（微辣），麻辣汁（够麻小辣），咖哩汁（够浓味）。至于点解师父要咁非主流做无味精车仔面？我谂佢系想突出每样配𩠌嘅味道。老实讲，岀面嘅车仔面，无论你加几多𩠌，好多都只有一种味。
冬菇，第一次嚟食已经系惊为天人，虽然睇落好似细细粒，但其实系好厚肉嘅日本花菇😂痴线，食车仔面有日本花菇！第一次嚟同枱姊妹话，哗！好厚肉呀！！花菇有菇味，完全唔会俾调味或个汤底遮咗佢本身嘅味。10分
猪大肠，睇相都睇到佢唔系岀面卤到好深色𠮶种，但你唔洗担心佢无味。我最欣赏佢煮到啲大肠仍然好有弹性，有咬口👍🏻 唔会好似有啲舖头煮到淋擗擗 ，一块嘢净返块肠皮！好实在，好满足！
猪皮，够入味，爽口不会太硬👍🏻但岀面𠮶啲多数都系劲淋。
咖哩鱼旦，够香，辣度适中，入晒味，加上呢种鱼旦本身有少少陈皮味，好夹。
萝卜，略嫌淋咗少少，有啲散，但不影响食味，无渣，清汤煮够清甜。
牛丸，真系鲜牛丸，食得岀唔系交货，因为佢真系有啲淡，食得岀鲜牛肉味，无太多调味料。岀面鲜牛丸打边炉八粒都要成旧水一碟啦，呢度加多个𩠌都系十蚊有两大粒，五蚊一粒咋！你叫外卖加十分牛丸攞返屋企打边炉都抵😂
卤水鸡翼（屋企人叫咗），大大只嘅鸡翼，无试过，不知道味道。
牛腩，大大块肉，其实都几满足。老实说，我自己唔系太钟意个味，同有啲干。但我朋友话好好食。
面，无乜comment，食车仔面我都系为咗啲𩠌。但都系𠮶句，如果拣清汤，一定会嫌个面淡。
总结，师父想做到嘅效果做到了，汤底，面，𩠌，各种味道都可以食到，唔会得一种味，整体系好味而满足。我食五个𩠌加支忌廉都系68蚊落楼，料靓嘅车仔面，值回票价👍🏻
张贴
