漁匠屋

营业中

休息中

一路都觉得佢地好食，所以都会一个月食一次，今晚去食谂住都系叫返壹重当同3国海胆饭，去到个位女士（不知是否系老板娘）就话无3国海胆饭，起初以为系无货，再追问佢就晦气地话，系唔做3国海胆饭呀！因为我地已经有好多款嘢食，但其实望返餐牌又唔觉有多到，同以前一样，好似问多句都唔得咁！之后都叫咗日本海胆饭，个饭嚟到啲海胆正常系铺满个碗面，但今晚只铺得半碗，另外用一块紫苏叶遮住余下半碗饭，即系得好少海胆。另外个壹重当，以前不嬲有食开，就系觉得好食先再食，点知啲料又系缩晒水，三文鱼籽得几粒，个拖罗以前好厚身，有入口即溶感觉，点知今次好像牛肉薄切咁，又细块又薄又唔香，其他鱼生片亦都无以前咁鲜味。好希望今晚系个别事件，真心希望可以变返以前的水准，唔好再令食客失望。如继续落去只会越嚟越少人去食。今晚食得真系唔开心！