華豐燒臘專家 (已搬遷) 新店位置

食烧味，一般嘅地方都好逼夹，想坐得舒服就要去镛记，不过呢间华丰成日lunch time都排长龙。首先，嘢食都唔错，烧鹅卖，退而求其次叫咗烧鸭烧肉双拼，男朋友叫咗烧鸭叉烧双拼，呢间做得都几入味，不过偏肥，虽然已经叫咗「要瘦」，不过都系肥，烧肉个皮实到就快咬崩我只牙，反而叉烧又林又入味，烧鸭都唔错。另外，如果午市套餐，我建议叫「特选烧味午餐」，佢特别在个饭唔系一般嘅炒饭，而系用瑶柱疍白炒饭，唔油，正！例汤都好饮，不过最好早d去，早好食d汤清d, 一迟去，d汤去到底都好混浊，所以建议早去虽然成70蚊一位，不过有炒饭，有双拼，有汤，又坐得舒服，地方干干净净，中环唔算贵