季稻 (已結業)

本来都懒得写食评，但真系太过分，6点半左右入到餐厅坐低叫咗一个炒河同凤爪，等到7:15都净系得嘢饮嚟咗，一齐入嚟嘅另一个男人都系乜都未有，另一台早过我哋入嚟嘅上菜仲迟过我。只系肚饿想快快趣食饱走人，结果就等到饱咗，河粉就话要炒，虽然唔知点样炒足9个字，但凤爪沙律都要等咁耐究竟系想点？一路观察先发现原来佢哋净系挂住做一张外卖单完全无理过堂食啲单。而且入到舖头6点几仲未有客就已经叫两个一位坐埋一齐向我哋搭台，结果去到食饱离开餐厅入座率先得一半左右，眼见另一个男人等极都未有嘢上，终于有碟虾饼上台原来仲要系落错单，转个头就张碟虾饼摆落我台，但我根本无叫，个职员仲要系到望住啲单话点解全部都系错。咁样嘅服务仲要加一服务费真系边到嚟嘅自信，如果唔想做堂食就不如唔好开门啦，永远无下次。