壽司郎 (已結業)

今日真系好彩，同事临时唔去食寿司郎，让左个时间比我，造就左我第一次食寿司郎既经验。话说寿司郎book位都要成个月，仲要好难book到靓时间。真系多谢晒好同事。我地系预约左既时间到店铺，店铺walk in 人山人海，逼到一个点。不过预约左既，就会make sure你15分钟内入到去食野。等左无耐就入得，会有店员为你带位。我地被编到回转寿司带侧边既其中一个卡位。注意，用餐时间得一个钟，要同时间竞赛了～点餐可以用tablet叫或者系寿司带上面拎。店员系你临走时会点番唔同颜色碟既数目，再埋单。我地今次试左唔同寿司，寿司可以系回转带上就咁拎。例如大拖依类，都几好食，可能turnover rate高，好新鲜。而都有试下熟食，如乌冬，系tablet叫完后会系你个位上面既输送带送上，好似有架专车送黎既感觉🤣，几过瘾。但佢既面食比较似即食面feel，可免则免。好似即食面咁焗熟甜品方面，佢既千层蛋糕相当出色，值得一试👍🏿最后我地食到好饱，食左成粒钟要成四旧水埋单，不过如果唔食咁多，下次都唔知几时先约到期食呢。总结：几好既日式回转寿司经验，自助服务方面，坐低自己可以拎黎食。唯用餐时间过短，期望可加长。