影片
更多
2017-01-25
2455 浏览
我哋今日系去食lunch嘅。一入到间餐厅就好有亲切感，感觉好干净,好光猛,好Professional, 而且好舒服。座位主要系吧台，其实几咁几好架，因为可以同个寿司师傅倾计，（我最钟意同人倾计架啦）。Set lunch套餐由百零蚊时五百零蚊不等。我个好朋友建议我哋食料理长推介12款寿司定食-价值每位＄480。个寿司师傅非常之好，而且专业。佢为我地介绍每一个寿司点做啦，有咩料啦，点解咁样食法会好食d啦，次序点解要咁样,从呢个食到𠮶个啦。解释得非常详尽，好有心机，仲好好倾添！啲食物真系非常之好食又好鬼新鲜！而且味道同口感都有层次,你会食得出佢有心做俾你食嘅。当然我即刻问吓个师傅叫咩名啦！个师傅叫Ryan Ng。佢好野嘅地方系啲寿司全部都唔需要加Wasabi同埋酱油，佢整完件寿司摆上枱后，你立刻放落口就得啦。食到差唔多，Ryan见到佢老板出嚟,就介绍佢老板俾我哋识。佢个老板都几Nice架。倾咗两句之后，先知道佢老板都系爱吃之人。遇到同道中人真系开心。1. 䲞鱼-好甜，而且有柠檬香味，肉质好烟韧。2. 针鱼-海水味重d，厚身d，口感丰富d。3. 带子-鲜甜，肉厚，有柚子香味，而好爽口。4. 深
1. 䲞鱼-好甜，而且有柠檬香味，肉质好烟韧。
2. 针鱼-海水味重d，厚身d，口感丰富d。
3. 带子-鲜甜，肉厚，有柚子香味，而好爽口。
4. 深海池鱼-一点不腥（通常池鱼都有d腥架麻，但呢旧无），比普通池鱼爽口，鲜甜，而且有鱼香味。
5. 油甘鱼- 上面摆咗啲烧过嘅乌鱼子碎，乌鱼子d香味加上油甘鱼嘅油甘香，𠮶味道有不同层次，好味。
6. 金目鲷-鱼身冧d，味道淡一点，放了柚子胡椒，辣辣地好好食。
7. 赤鯥-块鱼烧过，好香，有点油份，令淡味的赤鯥加了一点美味，鱼身爽囗。
8.右口鱼边-烧过嘅鱼边有好香好香嘅油渗出来，好juicy，好浓味。正。
9. 烟熏鲭鱼-烧过嘅鲭鱼，非常香甜。加上沾了旦黄酱和姜蓉，磨过嘅芝麻碎，味道很特别，香浓可口。**一定要试，因为系出面从来未试食过。（听说这是江户时代前的寿司。）
10. 𩽾康鱼肝-好好食，非常甘甜，鱼肝又滑又香，又冻又热，食完个口仲有回甘。
11.火炙金仓鱼腩-油香味重，烧过嘅金仓鱼腩面有d脆脆，好好味，同香甜嘅滑鱼肉并在一起，正！
12. 金箔北海道根室海胆-呢个海胆真系好好好食，好鲜甜，带少少海水味，海胆味浓。加咗一点竹炭盐味道，味道再特别d。
张贴
