滿粥順德粥底海鮮火鍋

营业中

休息中

香港地要揾地方打边炉唔难，最难系有时人少少好似两公婆想去食，你会因为两个人好难预分量而却步，上网睇到一间位于大角嘴嘅海鲜粥低边炉，佢以人头计食物分量，仲有三个餐选择，分别系348（孖宝餐，龙虾加肉蟹）、297（龙虾餐）198（肉蟹餐），如果想改膏蟹就加40，每个餐都会另倍有7-8款时令海鲜及6款火㶽配料，听落都唔错，即刻带埋老婆Let’s go😋今日系闲日，所以无定枱，好彩仲有位，但系一路食睇住啲人入嚟，加定枱客都有八成入坐率，而家啲食市好少有呢啲场面😅虽然我都有上祖国揾（嘢）食，但系都要计埋车程同你交通费，仲要支持下本地食市💪🏻讲番个餐先，除咗主角龙虾/肉蟹外，仲有鲍鱼、圣子、海虾、脆鲩同贝类，样样都好新鲜，份量啱啱好，最后食埋个海鲜粥底，真系相当「满足/粥」👍🏻