佰家軒 (已結業)

有一次经过湾仔，家人话有机会的话，要去佰家轩食饭，因为家人话佰家轩几出名，又成日登报纸，又有名人去食过话好食... 等等呢类说话。好喇，十‧一国庆，与家人会前往睇烟花，家人即时想起佰家轩，我们便前往了。大约晚上七点，一上到去，哗... 成个场，除咗个部长一人背向门口睇紧电视之外，点解咩人都冇嘅？连其他伙计都唔见㖞！个心即时寒一寒，之后走埋去问个部长，开始营业未？部长话开始咗咖喇！之后就安排咗我地就坐。睇吓啲餐牌，选择好少，但后来部长拎啲茶水过嚟时，另外放低咗一张纸，我望一望，原来仲有其他选择嘅，真系差啲又被吓亲。 虾干丝瓜浸鱼肚︰唔知系咪因为我地净食𩠌嘅关系呢？一开始食时觉得冇乜特别，不过后来越食觉得越咸。 招牌盐焗鸡 (半只)︰可能同一原因，所以又系觉得咸咗少少。 姜葱蒸XX斑︰呢个就好食。就算唔食饭都冇觉得偏咸嘅情况出现。 奉送生果及甜品︰甜品只有一款，是夜为︰绿豆沙 --- 都几好味。生果就有西瓜及哈蜜瓜 --- 哈蜜瓜唔甜，不过未至于放唔入口，但系呢西瓜就... 我咬咗一啖，即刻放口。感觉好怪，唔识形容。完全食唔落！不过送嘅，不能要求多多.... 今次我会俾OK, 因为冇叫饭