蔡潤記

营业中

休息中

虽然旧蔡比新蔡贵几蚊，出品又慢，但系旧蔡啲食物质数、汤底、辣椒油真系比新蔡好少少㖞。虽然新蔡我都帮亲左廿几年，老细又系我老友，但事实归事实麻，边度好食就去边度架啦，不过我间中都会去新蔡抱吓场既。鱼蛋鸳鸯加底加鱼皮，鱼蛋依旧爽口弹牙、鱼味极浓；粉面煮得恰到好处，面咽哽、粉棉滑。好多食家话啲炸鱼皮卖相同口感好怪，所以我谂唔通依款鱼皮系大埔先有？系依度好普遍架㖞。鱼皮会落炸粉炸，炸到啡黄色唯之完成，有阵时仲会连少少鱼肉架。依款比坊间只扑啲粉炸既唔同，依只更香口更有口感。可能有时做得无咁好，先会话好硬既啫，浸汤食都系一个好好既选择，我都系浸汤食既爱好者黎架既，索晒啲上汤麻 ~ 食粉面点少得辣椒酒呀，旧蔡系我既排行磅排首位，最鬼衰系不设零售，搞到成日心挂挂 ~