印尼沙爹屋

营业中

休息中

我以前唔系特别钟意食串烧，但食过呢间后就上咗稳。呢间小店提供牛肉串烧、猪肉串烧、鸡肉串烧、羊肉串烧等，全部烧得好好，能锁住肉汁，唔会烧到干争争。老实讲，其实咩肉都唔紧要，因为捞咗沙嗲酱后，款款味道都好似差唔多，只系牛肉比较靭。最出色当然系沙嗲酱，坚好味，香甜惹味，仲有少少花生酱味，用D酱去捞饭都仲得。另外也买咗印尼炒饭，份量好大，足够两个人分享。D饭炒得粒粒分离，唔会一旧旧，配料都好丰富，有虾肉、肉丝、椰菜、洋葱等，味道清淡，唔太油腻，可能有D人会觉得唔够香口惹味，但对我来说都算OK。