Green Thai

营业中

休息中

呢日想食 lunch 想食泰国嘢，于是就去咗 Green Thai，贪佢坐得舒服，又可以睇吓电视，叫 set lunch 就最抵，包一杯饮品，仲可以用优惠价$13加个小食。今次就叫咗泰式金边粉，饮热奶茶，再加多个泰式凤爪。泰式金边粉内有虾、樱花虾、蛋、芽茶、菜脯等材料，面头再放啲花生碎，简单又香口，虽然虾就系雪藏货，但都爽口，金边粉烟韧有咬口，加埋蕃茄膏调味，味道酸酸甜甜，唔会死甜，再加埋爽爽哋菜脯粒，食到碟底都无乜油，清碟真系无难度。泰式凤爪就酸酸辣辣，食到鱼露味，但又唔会好咸，啲筋位好爽口，作为前菜真系好开胃。奶茶就好普通，整体食物质素唔错，又坐得舒服，下次会再嚟 encore。