花果山 (已結業)

💛台式饮品系我嘅Comfort Food。如果饮珍珠奶茶唔会肥嘅话，一日三餐都可以饮。🤤-今次有少少有感而发。其实我心入挂住芋泥、芋圆已经好多日。一心谂住过几日去尖沙咀就去某间茶饮店买芋泥鲜奶饮。睇第一间⋯⋯已结业。再揾多间⋯⋯已结业。原来好多💛店都不敌呢个饮食业嘅寒冬，无声无色地结业。如果仲有得选择，你又会唔会行多步去支持同你信念相同嘅铺头呢？可能就系差你𠮶几十蚊，佢哋就可以支持落去。-尖沙咀嘅茶饮店，都差不多试过喇。每次都一定谂起呢座「花果山」。最爱佢哋嘅鲜果系列。❤️用新鲜水果加入茶底。茶底香浓，加埋水果，感觉好清新。尖沙嘴咁多好嘢食，食饱咗未必饮得落珍奶，可以饮杯水果茶消消滞。-黑糖珍珠鲜奶（半糖）黑糖珍珠鲜奶好多都有固定甜度冰度。佢哋冰度系固定嘅。甜度可自自选。黑糖味香，但就唔够挂杯。珍珠煮得啱啱好，够烟靭。店员准备嘅时侯真系用鲜奶倒入饮品入面，唔系用奶粉。今次拣半糖，但都系觉得都好甜。睇嚟下次要饮微甜喇。