京都抹茶屋 (已結業)

今日系第二次帮衬呢间抹茶屋。 今次主要想试下佢啲set餐，咁啱见到佢有个抹茶冰淇淋红豆西多士套餐，身为抹茶控嘅我心郁郁想试一试佢嘅抹茶雪糕！ 于是我就点咗呢个餐，另外加15蚊配咗杯热嘅抹茶牛奶。 西多士系新鲜炸起嘅，够热之余亦有蛋香味 食嘅时候舀少少抹茶雪糕同红豆捞埋落西多士个面度 食起上嚟一冻一热真系超级正，而且佢嘅抹茶雪糕都几滑，有奶香同抹茶嘅甘味。后来向店员查询后，先知雪糕原来系从日本订返嚟的。 而呢度嘅抹茶牛奶都唔错，抹茶同牛奶嘅比例啱啱好，唔会太过偏重一边。饮完之后成个人暖笠笠精神晒。 再有机会帮衬嘅话，想试下个雪山西多set餐 睇个名好似好吸引咁~