Sweetology (已結業)

餐厅装潢得不错，全店白色，有点高贵的感觉，门口还放置了一个甜品柜，感觉有点高档。细看menu下发现价钱便宜，不能想像又一城的餐厅会有$59一碟意粉！加上没人排队的情况下，就选择了这间。企左系门口成分钟都冇人招呼我地，我见d侍应望到我地但冇理我地，令我要行到入去餐厅叫两位先有人用对眼苗一苗，我唔知佢系咪示意我果到有位呀，于是我行去装下，又唔见有位，果个苗一苗我唔知佢系咪想同我讲人地啱啱埋单走？跟住坐低左，都系冇人抺枱同拎餐牌，如果好忙又见到佢地捧餐果d系冇问题可以谅解既，但实际上又唔系，又冇服务员行出黎，唔知呢埋左去边….之后见到有个睇落返工返得唔系咁开心既男侍应，佢斜啤左我地张枱一下就行过左（汗）几经辛苦我地order左一个意粉同all day breakfast，想讲d薯条好似摊到冻晒果d淋，而d意粉比起上次上水果间好食少少，但唔够味。佢随餐会送热/冻柚子蜜，如果冻柠茶奶茶果D就要加$8。杯柚子蜜好似柚子茶咁，唔系好冻，D冰溶晒，不过算啦，我都唔想饮太冻。本来想食完饭order个甜品试下，点知search到网上有人话甜品有伏！好彩睇一睇啫。