龍驤 (已結業)

早前 “强记” 推介尖沙咀抵食日式铁板烧 (Teppanyaki) “龙骧”, 中午佰零二佰蚊, 我反覆问咗一万次, 都话质素OK. 几星期前, 老友 “紫野” 请食米芝莲餐厅, 今日搏一搏揾呢间 “荀嘢” 请番佢, 还人情债 🤗.🍽 餐厅格局有趣, 入门口见到两三张方枱, 同埋一张迷你寿司吧枱. 再行入去, 设有两张铁板烧枱.😱 一坐低, 服务员唔系俾茶, 系放低咗碗蒸蛋, 原因不明.🥢 点咗铁板烧午餐, $196 (8折后), 包括温室野菜沙律, 日式蒸蛋, 面豉汤, 乌冬. 主菜系鹅肝多士, 安格斯牛肉薄烧两件, 另外追加海中虾三只.🍀 温室野菜沙律, 正常. 日式蒸蛋, 放咗一段时间, 热度还好, 略嫌唔够结实.🥣 面豉汤. 合格.🍜 乌冬. 我食完晒铁板烧先食乌冬, 所以冻咗.🦐 追加: 海中虾三只, $48. 弹牙, 吾韧. 师傅煮嘅时候落咗铁板右上角兜汁, 估计系用虾头膏煮嘅, 味道不俗!🐂 安格斯牛肉簿烧, 配金菇, 即系金菇牛肉卷, 好食. 鹅肝, 香口, 味道调校适中, 入口溶化, 唔错.🤗 总结: 谜底终于解开, 呢个二佰蚊嘅铁板烧, 如果当佢系日式定食, OK嘅