Lardos Steak House (已結業)

要不是生日大哂，都好难请得郁爱牛扒既友人到坑口村试试 Lardos，始终位置对于住大埔既朋友嚟讲较远嘛。今次三个人分别点了两客最抵食既8oz澳洲西冷及一客贵一点既美国 Prime 西冷(忘了是否8oz)。未点食物时先上桌既系免费既餐包及沙律，餐包内有合桃，不过整体好干，记得以前既餐包好吃多了！沙律菜依然好新鲜，不过我地顾住倾计，没多久主角牛扒也上场了，所以没多吃！其实每次嚟都系点8oz澳洲西冷既我，冇乜特别感觉，水准时好时坏，块扒本身好靓，有牛味，只系厨师有时煮耐左影响块扒既口感啫！犹幸今次算正常，不过都系嚡一点，又过熟了？朋友既 Prime 西冷来了，看上去感觉有点不一样，试了一口，好软熟，牛味ok浓，感觉比我的澳洲西冷好好多咁，莫非真系一分钱一分货？犹记得最初帮衬时都试过点贵一级既扒，但都系觉得澳洲平扒好味啲，今次郤例外，又或会唔会澳洲扒来货差了？真系不得而知！最欣赏系不用加一，那怕已算在单价上，明码实价不另收费既感觉始终较好啊！