影片
更多
2020-12-14
512 浏览
A-1系我比较钟意嘅连锁面包舖，虽然价格都偏贵，但至少味道对得住个价钱。佢嘅麻糬波波有几出名相信大家都食过，而今日好想讲吓佢嘅蛋糕。呢款蛋糕A-1会层层叠咁样放起木枱上面卖。有三种口味，焦糖原味、抹茶味、同埋朱古力味。三种口味我都食过，而我最钟意，今日好想推介嘅就系焦糖原味芝士蛋糕。平平哋$70有找嘅一个蛋糕用料绝不普通。首先佢嘅焦糖面层做得非常靓，而且唔薄，用刀切嘅时候仲会发出声音！芝士蛋糕好实，都好够芝士味，而且入边冇微粒，算滑。饼底就系一般以消化饼压碎而制成嘅，但要赞嘅系成个芝士蛋糕甜度适中。四个人share作为饭后甜品都嫌多！如果经过又见到嘅话，我都推介你买一个嚟试吓（不过焦糖味经常好早就售罄）
佢嘅麻糬波波有几出名相信大家都食过，而今日好想讲吓佢嘅蛋糕。呢款蛋糕A-1会层层叠咁样放起木枱上面卖。有三种口味，焦糖原味、抹茶味、同埋朱古力味。三种口味我都食过，而我最钟意，今日好想推介嘅就系焦糖原味芝士蛋糕。平平哋$70有找嘅一个蛋糕用料绝不普通。
首先佢嘅焦糖面层做得非常靓，而且唔薄，用刀切嘅时候仲会发出声音！芝士蛋糕好实，都好够芝士味，而且入边冇微粒，算滑。饼底就系一般以消化饼压碎而制成嘅，但要赞嘅系成个芝士蛋糕甜度适中。
四个人share作为饭后甜品都嫌多！如果经过又见到嘅话，我都推介你买一个嚟试吓（不过焦糖味经常好早就售罄）
张贴
