魚心日本料理 (已結業)

旺角呢头要食嘅好嘢其实都食过，本来谂住天气冻食火锅啦，点知出到嚟一啲都唔冻，索性叠埋心水食寿司算。呢间餐厅嘅特色系，食满＄120可以＄40嘅价钱去叫半磅三文鱼刺身同埋以$1嘅价钱叫甜虾，如果大家食得晒可以计好条数先至再叫嘢食。朋友实在太肚饿啦，佢叫咗一碗泡菜拉面，朋友本身都算食得辣嘅，但系佢都话好辣，个拉面其实几抵食都好丰富，材料足，面亦煮得软硬适中。忍唔住食咗啖三文鱼寿司先记得影相，侍应自动帮我转咗做三文鱼腩寿司，望一望墙场上餐牌，原来三文鱼腩寿司只系＄4 一件，都抵啦。火炙芝士三文鱼寿司真系不得了，芝士同沙律酱食落口gem住个口，感觉好邪恶，但我钟意。鳗鱼寿司系我其中一款最爱寿司，不过略嫌呢度旧鳗鱼细件咗啲，食落感觉比较老。蛋寿司唔掂，朋友话好似沟左野有d假，块蛋又超薄，腐皮寿司都冇得点衰，正常收货啦。粟米军舰嘅粟米同紫菜都唔够新鲜，紫菜明显唔够脆。中华沙律手卷朋友话形容唔到，都系同一个问题啦，紫菜唔脆，中华沙律亦都冇乜味。老老实实呢间野我来过几次，如果你谂住平平哋食下寿司其实都可以嘅，但系有时干净卫生问题呢就有待改善啦，座位方面亦都比较窄，好似今次咁其实我系坐系楼梯口，不断会有人