品坊 (已結業)

同朋友用团购试吓呢间酒店嘅自助餐，每位$240再加$60嘅行政费，就食到平日嘅自助晚餐。呢个价钱真系唔可以期望太多。生蚝系爱尔兰同埋法国，不过超级细只....酒店做紧三文鱼主题，所以有好多款唔同煮法嘅三文鱼，就连烟熏三文鱼都有几款。钟意食三文鱼嘅应该会好开心。不过热盘就做得麻麻，款式少，而且好多都已经俾人攞晒但系成半个钟都无人refill。得一个姐姐负责切牛肉，煮面，做串烧忙到踢晒脚。甜品就不过不失，有六款Häagen-Dazs嘅雪糕。总括而言，一分钱一分货，呢个价钱唔可以有太高期望，不过作为一个普通嘅晚餐都系可以嘅。