海街丼 (E-Max) (已結業)

九龙湾食lunch, 就算好食难食平贵，都系迫爆，今次就试试系Emax E 间，同事们话次次经过都大排长龙，又冇得订位，人齐先比入，于是我地12：20出发，点知去到都系要等。一入到去好日式feel, 无得去旅行唯有感受一下。我地三个人就豪一豪佢，叫最贵嘅刺身饭。海宝丼（特上）同海宝丼。生虾海胆好新鲜，蟹肉又多，最特别系个果醋jelly 加入d饭到食，超级好味，酸酸甜甜好开胃，加饭（大盛）唔收钱。服务态度就真系一般，可能系店内设计问题，店员好难睇到客人，我地落单埋单都要出去揾人嚟。而且店员好似嬲左成村人咁样，黑口黑面。