利苑酒家 (創紀之城五期(apm))

营业中

休息中

一直以来呢间食店都比师傅一种好好高尚好高贵感觉, 有种遥不可及, 但就成日心思思想去, 觉得点都要试一次, 早一排师傅终于豁出去, 所以就去左呢度饮餐茶仔!入到去感觉真系好高贵, 侍应安排入坐后, 师傅我当然系即刻昼野食! 两个人叫左虾饺, 虾肠, 萝卜糕, 小笼包, 珍珠鸡, 牛肉同埋煎饺子!先讲虾饺, 虾饺真系皮薄馅靓, 虾肉好爽口, 好味; 虾肠虾肉依然好爽口, 而肠粉好够滑, 正呀; 萝卜糕煎得好香, 唔系太粉有萝卜味, 可以; 小笼包又系出色, 皮薄而里面够汤, 肉身够松, 一夹又唔会穿, 掂呀; 珍珠鸡普普通通, 冇咩特别; 牛肉真系几牛肉下, 蒸左出黎都几红身下, 冇咩沟猪肉; 而煎饺子就比较油, 一般d啦!总括黎讲呢度食物质素几好, 环境舒服, 服务几好, 系价钱贵d, 埋单二百几, 都可以接受, 师傅始终觉得一分钱一分货, 如果比多少少钱可以有咁质素, 师傅完全觉得物有所值, 有机会一定会再黎!